Binatang lookalike ni Rico Yan, pinagkakaguluhan ngayon ng netizens!

Ibang level sa pagmamahal ang ibinibigay natin para sa iniidolo nating celebrities ngunit sa mundo ng showbiz, wala talagang forever dahil sa patuloy na paglipas ng panahon, marami ring mga artista ang umaangat sa kasikatan o hindi kaya’y discovery ng mga taong may malaking potential sa pag-arte na tiyak na susunod nating pagtitilian ngunit tila’y kakaiba talaga ang impact na hatid ng isang Rico Yan dahil hanggang ngayon, buhay na buhay pa rin ang kanyang legacy sa industriya.

Credit: @yan_bobby Instagram

Sino ba ang hindi nakakakilala sa dating aktor na si Rico Yan? Sa kanyang generation, halos ang kanyang pangalan talaga ang bukambibig ng karamihan, lalaki man o babae, matanda man o bata! Dahil sa kanyang angking kagwapuhan, karisma, at kahusayan sa larangan ng pag-arte, isa talaga si Rico sa mga sikat na matinee idol sa kanyang kapanahunan.

Simula nang pinasok ang industriya ng showbiz at nadiskubre ang kanyang talento sa pag-arte, halos lahat na lamang ng sikat na teleserye at pelikula na ipinapalabas sa telebisyon at sine noong dekada 90’s ay pinagbibidahan niya pero sa kabila ng kanyang matagumpay na career bilang isang aktor, binawian siya ng buhay sa edad na 27.

Credit: @alfytueres2 Instagram

Bagama’t mahigit dalawang dekada naman ang lumipas simula ang paglisan ni Rico Yan sa mundo, marami pa rin ang nakakakilala sa kanya at ingrained pa rin sa memorya ng karamihan ang legacy ng dating aktor at mas lalo lamang na-rekindle ang kanyang alaala nang nadiskubre ng fans ang pamangkin ng namayapang aktor na sobrang lookalike lang naman ni Rico!

Credit: @alfytueres2 Instagram

Dahil sa resemblance ni Alfonso “Alfy” Yan-Tuares sa namayapa niyang uncle na siyang kapatid ng kanyang ina na si Geraldine, halos hindi magkamayaw ang karamihan sa fans na baka isa umano itong sitwasyon ng reincarnation dahil hindi talaga maiwasan ng fans na makita sa binata si Rico Yan.

Credit: @alfytueres2 Instagram

Dahil sa uncanny na resemblance ni Alfy sa kanyang namayapang uncle, marami ngayon sa netizens ang tumatawag sa kanya ng “Mini-Me” ni Rico o hindi kaya’y “Little Rico Yan” dahil mula sa mata, hugis ng mukha, ilong, bibig, at ngiti ay kopyang-kopya lang naman ni Alfy!

Credit: @alfytueres2 Instagram

Tunay nga naman kasing isang icon sa industriya ng showbiz si Rico kaya kahit ilang dekada na ang lumipas, marami pa rin talaga ang nangungulila sa dating aktor kaya ngayong nadiskubre ng netizens ang kanyang pamangkin at ang kanyang lookalike na si Alfy, marami ang umaasang pasukin din nito ang showbiz dahil tiyak na magiging matagumpay din siya katulad ni Rico Yan.

The post Binatang lookalike ni Rico Yan, pinagkakaguluhan ngayon ng netizens! appeared first on Pinoy Online Portal.