Mga bida sa Mara Clara na si Kathyryn Bernardo, Julia Montes, at Dimples Romana, masayang nagkita-kita muli!

Kamakailan lamang ay masayang pinost ng aktres na si Dimples Romana ang isang larawan kasama sina Kathryn Bernardo at Julia Montes sa kanyang Instagram account.

Credit: @dimplesromana Instagram

“Made a special reel of all the beautiful moments I spent with the two OG loves of mine,” saad ni Dimples sa kanyang post. Isang masayang reunion ang pinagsaluhan ng tatlo na kitang-kita sa larawan. Makikita din sa ibang post ni Dimples ang masasayang litrato at video nila na magkakasama. Nag-enjoy ang tatlo sa isang night out.

“Unfiltered fun, conversations, beauty and reel 😂 best served over wine, sashimai, cheese and chocolates by a sisterhood everyone must have in a lifetime,” paglalarawan ni Dimples sa kanyang post.

Matatandaang pinagbidahan ng tatlo ang remake ng teleseryeng Mara Clara na pumatok sa takilya. Tumagal din ng mahigit isang taon sa ere ang palabas na ito. Simula noon ay naging malapit na sila sa isa’t isa.

Credit: @dimplesromana Instagram

Gumanap bilang Alvira Del Valle si Dimples na ina ni Mara na pinagbidahan ni Kathryn at Clara na naging karakter naman ni Julia. Mahigit isang dekada na mula nang ipalabas ang naturang teleserye ngunit ang malapit na samahan ng tatlo ay hindi nagbago.

Maraming tagasuporta ang tumangkilik sa palabas na Mara Clara kaya labis na ikinatuwa ng mga ito ang post ni Dimples. Ilan sa mga ito ay nagiwan ng komento kung gaano nila namis ang tatlo na magkakasama.

Credit: @dimplesromana Instagram

Na-appreciate din ng iba si Dimples, dahil nanatili itong Ina sa dalawa kahit tapos na ang teleserye. May mga netizens din na nagsabing baka may malaking anunsyo sina Kathryn at Julia dahilan ng biglaang reunion.

Hindi rin nagpahuli sina Kathryn at Julia, ibinahagi rin nila ang post ni Dimples sa kani-kanilang Instagram account. Nagshare din ng larawan ng tatlo ang asawa ni Dimples na si Boyet Ahmee.

“My gorg kumares with my Mahal na Reyna,” saad ni Boyet.

Credit: @dimplesromana Instagram

Mabilis ang pagsikat ni Kathryn at Julia matapos nilang gampanan ang role sa Mara Clara remake. Matatandaang unang pinagbidahan nito nina Judy Ann Santos bilang Mara at Gladys Reyes bilang Clara. Iba’t ibang award din ang natanggap ng nasabing palabas.

The post Mga bida sa Mara Clara na si Kathyryn Bernardo, Julia Montes, at Dimples Romana, masayang nagkita-kita muli! appeared first on Pinoy Online Portal.