Tignan ang naging masayang 38th birthday celebration ni Primetime Queen Marian Rivera

Masayang pinagdiwang ni Kapuso Primetime Queen Marian River ang ika-38 niyang kaarawan kasama ang kanyang pamilya at kapwa artista nitong Biyernes, August 12, 2022.

Credit: @marianrivera Instagram

Kasama sa mga dumalo ang malalaking personalidad ng GMA-7, ilan dito ay sina First Vice President for program Management Department Jose Mari R. Abacan, GMA Senior Talent Manager Tracy Garcia GMA Senior Vice President for Entertainment Group Lilybeth G. Rasonable, First Vice President at Head of Regional TV at Synergy Oliver Victor B. Amoroso, at GMA Network Films, Inc. President at Programming Consultant to the Chairman at CEO Atty. Annette Gozon-Valdes at mga artista na sina Kathryn bernardo, Sofia Andres, Kylie Alcantara, Mavy Legaspi, comedian Boobay at marami pang iba.

Inilabas naman ni comedian Bo0bay sa kanyang instagram story ang video ng masaya nilang kantahan at ang video ni Marian Rivera na nagpapasalamat sa lahat ng pumunta sa kanyang party.

“Maraming salamat for coming. Hindi n’yo alam kung gaano ako kasaya tonight at nabuo ako, dahil lahat ng tao nandito, lahat talaga kayo ay love ko at importante sa akin, sana palagi n’yo yang tatandaan. Dad [Dingdong Dantes], maraming salamat sa pagbuo nito and of course, sa Triple A family.” sinabi ni Marian.

Credit: @marianrivera Instagram

Ang Kapuso Primetime Queen ay nakatanggap din ng iba’t ibang regalo at pagbati sa kanyang kaarawan. Isa dito ang bongga at eleganteng cake na ibinigay ng sikat na brand na Bvlgari. Nagbigay di ng sweet message ang asawa nitong si Dingdong Dantes.

Aniya, “Rockin’ our worlds since 1984. Happy birthday, my Love. @marianrivera”.

Ngunit ang pinaka-special na regalo na natanggap ni Marian ay galing sa kanyang mga anak. Sa isang larawan na pinost nito sa instagram, makikita na suot nito ang isang pink na relo.

Credit: @marianrivera Instagram

“Thank you ate [Z] and Six,” caption ni Marian.

Ang espesyal na relo ay tinatawag na White Mission to Venus. Ito ay isang kolaborasyon ng dalawang sikat na brand na Omega at Swatch.

Credit: @marianrivera Instagram

Matatandaang ikinasal ang dalawa noong 2014 at masayang nagsasama kasama ang kanilang dalawang anak na sila Zia at Sixto.

The post Tignan ang naging masayang 38th birthday celebration ni Primetime Queen Marian Rivera appeared first on Pinoy Online Portal.